有一日 ,你個老友好似中左六合彩咁同你講, “有間公司俾左個offer 我,做數據科學家!” 跟住你有幾十個問號,心諗究竟”數據科學家” 係乜東東?

要成為一名真正的數據科學家,要掌握嘅專業知識實在水蛇春咁長,例如計算機科學、編碼、數學知識、甚至所謂嘅 Commercial Awareness (商業洞察力)等等。

簡單黎講,數據科學家嘅職責,要好有sense 地將一大堆數據組織好,然後加以分析,目標係幫公司揾到解決問題同埋持續增長嘅最佳方案。
 

  • 一條康莊大道

根據調查公司McKinsey嘅調查,美國喺2018年將會有190,000數據科學家嘅職位空缺。同樣地,香港對數據人才嘅需求越黎越大。

因為競爭激烈 ,啲大公司例如Apply, Netflix, Uber, Google, Amazon 本身已經有數據科學團隊,但仍然不斷以"人工高,Title 好"出招搶人。根據payscale.com 顯示,一個中層嘅數據科學家月薪大概係HKD 45-50k。 以香港人工中位數 1.5萬元黎講,Data Scientist 嘅人工真係無得輸,而且晉升前景十分可觀。

  • 香港數據人才市場有巨大潛能

數據科學家變得搶手係一個不爭嘅事實。但係香港嘅Data Science 工作市場其實都未catch up 到外國, 例如”Data Scientists”又或者 “Data Architect” 喺美國係令人自豪嘅行業,但喺香港,因為仍然有好多人對依個行業唔了解,所以啲大公司寧願以Analyst/ Programmer 黎做招徠。

為左改變依個誤解,近年有唔少新興嘅courses 幫有意入行嘅人才,又或者本身有基礎嘅data analyst 再培訓,Venturenix Lab 就係其中一間有心開班授徒嘅學校。如果你對數學,統計學,編碼知識好在行,當然係Big Plus. 但係如果無,都唔駛擔心,入黎了解下!

數據科學家咁好景,你依家終於明白點解你老友有offer 好似中頭獎咁開心!